Natuurvrienden Susteren

Natuurvrienden Susteren
Heemkundevereniging Susteren
Slider

Kènjerverhäölkes in ‘t Zösters

Kènjerverhäölkes in ‘t Zösters

Veurlaeze aan klein kènjer in eige dialek is lestig ómdet dao bekans niks te vènje is. De kemmisie volkscultuur van Veldeke Limburg haet eine opreup gedaon aan Limburgse sjrievers óm ein -leefs kort- verhäölke in te sjture, bedoeld veur kènjer. Zoa’n 25 sjrievers en sjriefsters gove dao geheuër aan. Det leverde neet allein ein bóntj gehieël aan dialekte op, mer ouch aan saorte verhäölkes

Óm veur te laeze veur awwers en opa’s en oma’s, of óm zelf veur te laeze aan ein jónger breurke of zösterke.

Zösterse luuj wille leefs veurlaeze in ’t Zösters. Kirkraods of Vènraojs is hun toch te lestig.

Daoveur haet de kemissie volkscultuur kóntak gezóch mit de kringe van Veldeke óm van al die verhäölkes ein eige vertaling te laote make. Zoa kan dees oetgaaf versjiene in ’t Echs, Remunjs, Valkebergs, Vènraojs, Wieërts Zitterds en Zösters. De vertalers höbbe dit mit väöl leefde veur hun eige plat en respek veur de oarsjprunkelikke sjrievers gedaon.

Natuurlik is jeder verhäölke veurzeen van ein toepasselikke illustratie, aangeleverd door de sjrievers zelf of door ein paar illustratore die det gaer en veur niks höbbe gedaon.

Veurgelaeze waere is hieël good veur klein kènjer. Ze heuëre den mieë van de taal die thoes gesjpraoke wurt. Dao kènt euver die verhäölkes naogekald waere. En waat ouch wichtig is: missjiens wille ze waal zelf gaon laeze en get sjrieve in ’t plat, den höbbe ze sjteun aan ’t woordbeeld in dees tekste.

Ouch henjig det dit beukske gebroek kan waere bie dialekcursusse.

Mer noe ieës: pak uch det (klein)kèndj en gaot gezellig veurlaeze. Missjiens doon de juffe en de meisters op de peutersjpeelzaal en de basissjoale ouch waal mit.

 

De beukskes zeen te koup veur €10,00.

Bie Drankenhanjel Marij Lemmens Reinoud van Gelderstraat 3

Wil Schulpen Feurthstraat 25

Annie Schreuders Derks Op de Pas 6.

Dao zeen d’r neet väöl, dus wach neet te lang!