Die sjoan moderstaal

In miene jónge tied woor ich vol van ‘t ideaal
van mien sjoan moderstaal.
Mer op ‘n nach
is mich det ideaal aant wankele gebrach:
Wie ich om ‘n oer of drie euver de sjtraot laveerde
en aan oos hoes arriveerde
heuërde ich ‘n vinster aope gaon.
Wie aan de gróndj genaegeld bleef ich sjtaon
Want ich heuërde mien moders taal
En ich sjtóng dao veur sjendaal
wie ze zag (en bepaold neet zach:)
“Sjtraotverke, maak tich inne!!!

G’r mót ‘t mich mer vergaeve
Mer die sjoan moderstaal veel mich taege.

Sjeng Sanders, in Zoa zagte ze in Zöstere deil 1, 2010

Eikeboum

en sjterk
en groat
zuusse neer
euver laeve en doad
doe euverlaefdes alles
tied en raege en wèndj

ónger dien kroan
sjpeelde vreuger zoa mènnig kèndj
veur väöl luuj maakde se
“vanein hawte” zoa sjoan

es ich noe nao dich kiek
en dich
mit mien eige laeve vergeliek
den dènk ich
jedeskieër opnuuj:
waat zeen weer toch mer
klein en sumpel luuj.

Ad van Mierlo, 1972, in 200 gedichte veur dich van mich, 2023

2 juli: Onze Lieve Vrouw visitatie ook wel  Maria ziep
Raegent ‘t mit Maria ziep,
den raegent ‘t zès waeke
Gelökkig höbbe weer die zès waeke al van te veure gehad.
Medardus (8 juni) patroan van de parapluverkuipers haet gooj
zakes gedaon.Haopelik geit hae noe op vakantie.

Ómsjtreeks 20 juli tót 20 augutus, de hónjsdaag
“Kómme de hóndjsdaag mit väöl raegen
Den gaon weer sjlechte tieje taegen.
Mer kómme de hóndjsdaag frisj en klaor
Verwachte weer ein vruchbaar jaor.”

’t Weste ouch ’t Raegenlaok
De wèndj kump oet ’t raegenlaok.
 De wèndj kump oet ‘t weste.

Raege nao ‘t ónwaer
Es ‘t reagent is ‘t waer gezaegend.
Es bie ónwaer ‘t gevaor veur blikseminsjlaag veurbie is.

‘t Begint ‘m door te raegene.
Hae begint te dementere.

 Ein gezich wie zeve daag raegen
Kwaod

Blaoze op ’t water drie daag aenjegesjnater

Geine zomer zónger raegen:
Alles haet eine minder plezerige kantj.

Fien luuj en fiene raegen bezeike dich ’t meiste.

Baeter in de rouk es in de raegen.

Baeter in de raegen es in de dröp.

Es ’t raegent en de zón sjient is ’t kirmes in de hèl.

Es ’t neet good is veur ’t huij, den is ’t good veur de moosplante.
Alles van de goje kantj bekieke. Raegen in de huijtied is good veur ’t moos.

’t Geuf raegen, de verkes loupe mit sjtreuë in de moel.

Annie Schreuders-Derks – 6 juli 2024

Wandel- en caféwijsheden

Als de mensen voor het spreken
Eerst zich zelve eens bekeken
Zouden ze het praten
Over anderen wel laten

Weet wat je zegt
Maar zeg niet alles wat je weet

Wie drinkt slaapt goed
Wie goed slaapt zondigt niet
Wie niet zondigt wordt zalig
Wie drinkt, wordt dus zalig

Loek Storken, in Heemklank 1999, nr. 3

Op mijn dier(-baarste)

Je bent geen edelhert, geen zwijn,
geen lompe beer of speels konijn,
je bent geen rund of stomme os,
geen wijze kater, slimme vos,
geen bonte specht, geen valse gier,
je bent gewoon een lekker dier.

Piet Zits, Spotjes op Dieren,1987

Dokter Mostartstraat.
Oze goje auwe dokter.
Veur zien kranke altied op paad;
van sjmörges vreug pós saoves laat.
Daoveur zal d’r eëwig: laeve.
Want aan ‘n sitraot is ziene naam gegaeve:

Sjeng Sanders , in Heemklank jaargang 1, nr. 5,

Lenard van de Sjmeed
Zoa gaw d’n daag kump in de lóch
is Lenard oppe sjtraot;
Vreug op, neet wirke en vreug nao bed,
det is ziene bèste raod!
Hae taffelt röstig door ‘t dörp,
hae haet neet väöl van die;
toch pitsj t’r zich nog hie of dao
‘n Sjiedemmerke of drie’.

Van pólletik wèt t’r alles aaf,
dem maakste niks mieë wies;
hae is al minstes tachtig jaor,
hae is veur niks neet gries.
Mer vraog dae Lenard neet teväöl;
want, bös te erm of riek;
Hae zaet ‘t tich in die gezich
en hae haet ouch nog geliek.

Evert Zits, in Heemklank jaargang 1, nr. 2

Sjtil gelök
Es doe zoa geis doe vruike
Zoa stil, zoa anges, blie, bedach
De laevesdraod fien wie ein tuike
Nao stil gelök det in dich wach

‘t sjoane van dien maedje zeen
Verlus eder vórm en lien
Want in dich brach gelök det green
Dich bliedsjap baove píen

Noe bös ze anges es ze bös
Veur dich allein, meziek
Zoa fijn bös doe, verstilde rös
Vruike, waat bös doe riek

Sef Schulpen, in Heemklank jaargang 1 nr. 1